وهنا .. أنا

 

العبدلله .. ياسر كمال مرعي

من مواليد " 19 سبتمبر " ...وده اليوم اللي اتولد فيه عمرو اللي في رواية " سبتمبر "  ... والمعلومة دي وصلتلي ومتأكد منها كمان .. ولو مش عارف مين عمرو أو ماقرأتش الرواية .. ماتسألنيش أبوس ايدك :)

والملخص الغير مفيد ..

كائن ليس له وصف محدد ..  حيث انه يجمع بين  صفات البني آدمين والبني آدمين 

قد تجده هادئ مسترخي .. يستمع للموسيقي الكلاسيكي مع ارتشاف كوبا من النيسكافيه 

وقد تجده كالمجنون ! .. ولا تعلم من أين جاء بتصرفاته الكوكبيه المشوشه المعالم

بعد الشر بيقولوا عليه سياسي ! حاشا لله يا أخي

  

انا باقول رأيي بكل وضوح في كل حته ..
حتي لو قاعد في وسط ناس كلهم برأي واحد وانا مختلف عن الرأي ده ..
 مش هاخاف اني اقولهم في وشهم انكم غلط ... وبس

عموما تقدر تقول عليا ليبرالي .. بس باحب الاخوان علي الرغم من اختلافي معاهم

مش  شايف حياتي غير انها رواية طويلة ...
بس رواية متجزئة لفصول , وكل فصل ليه خصوص عن الفصل اللي بعده .. ومختلف عنه تماما .
 أو بمفهوم آخر تقدر تقول مجموع من القصص القصيرة اللي بتحكي هم كبير أوي وليها معاني كتير بالنسبالي ...

مدرستي عشت فيها حياتي كلها .. 

وصدق اللي قال ان مدرستك بيتك التاني , اصل انا فيها من أولي ابتدائي لحد أولي ثانوي ..
 يعني حوالي 10 سنين بالتمام والكمال ..
ده غير ان في سنتين كي جي 1و 2  .. يعني 12 سنة , عشرت عمر برضه ..
لذلك صعب أوي اني انسي ذكرياتي معاها ,
حتي اني فاكر الفصول بتاعتي بالتدريج من أولي ابتدائي لحد أولي ثانوي ...
ومش هانسي المدرسين كمان بتوعي ..
ومش هانسي برضه أول شهادة خدتها في المدرسة عشان كنت باقول أذكار الصباح :)

اكتشفت مؤخرا اني باعرف أكتب .. يعني مش خبرة قديمة يعني .. ﻷ انا دقة جديدة :)

 * حاطت في اعتباري دايما ان اللي قدامي مهما كانت مساوئه , فأكيد ليه مزايا

* وعارف دايما ان انا لو اخدت من كل واحد الحلو منه وسبت الوحش .. هاتجمع الحلو كله فيك وهايطغي علي الوحش اللي عنك .. خدها نصيحة من أخوك ياسر :))

البساطة تسمو وتعلو بشخصيتك وتبعدك عن التكبر والغرور

اهم حاجة انك تبقي مؤمن ايمان كامل بربنا .. واعرف ان انت لو ماقدرتش توصله من طريق وشايفه مليان ظلام .. فأكيد في مليون طريق تاني فيه نور هايوصلك ليه