ماذا سيحدث لو فاز عمر سليمان ؟

سليمان رئيسا .... رمز المنفاخ 

قدر عمر سليمان انه يجمع التوكيلات في يومين أو تلاتة , وكمان معاها فيديوهات تأييد من المواطنين  

" حسبما قال المتحدث باسم حملة الباشا "

مش كده وبس …. ده بيقولك ان 150 الف مواطن كانوا ناويين يروحوا لبيت عمر سليمان عشان يطالبوه بتقديم اوراقه 

  " حسبما قال نفس المتحدث "

وانا انهارده في المدرسة وفي الشارع بلاقي ناس كتير اوي بتأيده .. حقيقي والله ! .. الراجل عليه قبول غير طبيعي في الشارع المصري … يعني احتمال يكسب , ومش عايز واحد يطلعلي ويقولي لأ ﻷ احنا شعب قام بثورة ومش هانقبل بكده … احب ارد عليه وأقوله

 " اتنيل علي عينك … مش لما نتفق علي مرشح لينا الاول! .. آل ثورة آل "

في حين ان عمر سليمان كسب هاتكون دي حالة مصر ان شاء الله في عهده

ــــــ

كلنا هانتسجن

كلنا خالد سعيد

مافيش ثوار

مافيش ميدان

مافيش عيش

مافيش كرامة

هاناخد تاني بالجزمة

مافيش جوااااااز

مافيش تعليم

مافيش مدارس اصلا

كل يوم مظاهرة

ومظاهرة تانية بتأيد عمر باشا

ممنوع نتكلم في السياسة

هانرجع تاني زي ماكنا

مافيش فيس بوك

مافيش طويطر

هايعدموا الحب

مافيش سلام

مافيش اي حاجة غي اي حاجة

سيبك من كل اللي اتقال ده وخليك في السيناريو المهم 

ــــــــــــــــــــ

1- طبعا هاننزل التحرير كلنا …. بس كل واحد هاينزل بسلاح معاه هاهاااا .. اصله من المخابرات يا معلم , يعني ولا جيش ولا شرطة

2- قبل ما الناس ماتنزل التحرير هايكونوا في السجون اصلا

3- وان ماكنوش في السجون ونزلوا … هاينزلوا بس مش هايلاقوا الميدان موجود

4- وان كان موجود ونزلنا … هانلاقي طبعا دعاة الديمواقراطية بيقولولك الشعب اختار ده , ومش هاتبقي عارف هاتحارب مين … الفلول ولا الجهلة

5- وفي الحالة دي بقي عمر سليمان باشا هاينفض ويسيب مؤيدينه يردوا علي الثوار في الميدان , ونلاقيهم بيحاربوا بعض … يعني هاتقلب حرب شوارع ان شاء الله

6- التلفزيون المصري هايلعب دوره الفعّال اللي احنا متعودين عليه , "ومصر بتتحرق هييييه مصر بتتحرق هيييه " … بس هاتبقي بتتحرق بجد ساعتها

7- بعد التظبيطات مع امريكا واسرائيل … وعمر سليمان أستاذ في كده , هانلاقي امريكا داخله بتطلب حماية الميدان والثوار

8- هيا مش هاتدخل فعلياً .. بس هاترخم من بعيد لبعيد , عشان عمر سليمان تفضل صورته حلوة ويدافع عن نفسه بإنه هايحمي الثورة وهايحمي حقوقها … " بط هوين " .. يا أخينا

9- قلنا قبل كده ان هاتحصل حريقة … ومع البنزين المرمي في الصحراء هاتلاقي البلد كلها حتة فحمة , والدنيا باظت خالص , وامريكا تحاول تطفي الحريقة بالبترول , شغل مخابرات بقي

10 – بعد مايحاولوا يطفوها بالبترول طبعا مش هانلاقي مصر اصلا علي الخريطة , بس مش هانزعل علي كده … لأ بالعكس " ابسلوتلي " احنا هانعيط علي الكتاب اللي اتحرق في مكتبة الاسكندرية … ماهي النار هاتكون وصلتلها … خليكوا معايا علي الخط

11- المشكلة ان النار كلها هاتبقي ماسكة في مصر ماعدا شرم الشيخ , حسني مبارك هايكون

لسه هناك علي البلاج بيصيف … هانكون في الصيف ساعتها

12- عمر سليمان هايكون بيصيف هو كمان في شرم الشيخ … ولما يلاقوا الجو بقي حر أوي من الحريقة اللي في باقي المدن هايعزّلوا علي اسرائيل … يادوب خطوتين جنبهم

13- وبكده مصر تبقي فعلا اتمسحت من علي الخريطة … هي وكل الناس اللي فيها .. ماعدا انا

ماهو مستحيل اكون انا اللي كاتب السيناريو المهبب ده واكون في مصر اصلا … هاكون سافرت فرنسا باستجمّ هناك , مش هابقي لوحدي… هابقي مع الحبايب اللي هخاف عليهم من الحريقة , عشان ماحسش بالوحدة ! , المهم اني هافلت بجلدي من عمر سليمان من الاول …. ولا هانزل اتظاهر ولا التحرير بقي ولا الكلام الفاضي ده , وليه تحط نفسك في موقف انت في غِني عنه .

ـــــــــــــــــ

اتقوا الله في مصر

اتقوا الله في مصر

اتقوا الله في مصر

ـــــــــــــــــ

وحدوا صفّكم قبل ما النظام يلعب بينا اكتر ماهو لعب بينا , بلاش استهزاء بحد محسوب علي الثورة , مرشح واحد أو اتنين ضد الفلول احسن من 6 اصواتهم هاتتفتت ونلاقي فعلا عمر سليمان هو اللي كسب … ونبقي نغني " غطوني وصوتوا … غطوني وصوتوا " , يارب احمي مصر من أي واحد يفكّر ان يكون ولاؤه مش للبلد … وانه يودي مصر في نفق مظلم صعب اننا نطلع من تاني …. يارب ولّي من يصلح

والشعب هايقول كلمته في النهاية

اما هايرضي بالاهانة والذل ولحس البيادة

أو يتعلم من الدرس السابق

ويفكر في مرة يبقي حر

حر لبلده

كذبة ابريل ! ... تكشف الوجه

استيقظ صديقنا من النوم مبكراً كعادته , واتجه مباشرة للجلوس علي الكمبيوتر حيث يعتاد أن يطلق السلام علي كل من يتواجد معه في نفس الموعد علي شبكة التواصل الاجتماعي , وحاذني الشرف أن اتلقي منه السللام صباحاً وبدأنا نتحاكي في أمور دنوية تهمنا نحن الاثنين . 

فوجئت به يذكرني بكذبة ابريل ... 

- علي فكرة انهارده أول الشهر وانا ناوي اكدب كدبة ابريل .. وهاحتاجك معايا

- يا ساتر يارب .. ارغي والنبي وياريت ماتبقاش تقيل عليا عشان انت رخمت كتير

- شوف ... انا هاكتب علي الفيس اني مُت .. وهاديك الاكونت ترد علي الناس انت

- طيب يا أذكي اخواتك ممكن يسألوا حد قريبك أو يسألوا اخواتك

- لا ماتخافش معظم اصحابي من بعيد اوي وكمان من بلاد تانية 

والاكونت اللي هاعلن فيه مش هايكون عليه حد قريبي او اي حد ممكن يبوظ اللعبة

- انت قد كلامك ده 

- يا عم اهي تسلية ...  وهاقولهم علي طول انها كدبة

- اللي تشوفوا 

وانهي الحوار بأن أعطي لي الرقم السري الخاص به وكتبت لأصدقائه انه مات أمس بنوبة قلبية , وأن مراسم دفنه بدأت .. ورجوتهم بالدعوة له أن يخلد الجنة 

لم يصدقوا في البداية ... لكن بمرور الوقت , وبعد أن كتبت لهم ما يُضعف قلوبهم ... بدأوا في التصديق

كنت اعتقد ان صديقي سينهي الموضوع سريعا .. وانه لا جدوي من اطالة امر كهذا يمكن ان يحاسب عليه بعد ذلك 

 - انهي ياعم الموضوع ده بقي

-.. لا ... اصبر شوية

- يابني حرام عليك كده

- قلتلك اصبر بقي 

كان من الواضح انه متعصب بشدة .. قلت  ان هذاقد يكون ناتج عن امتحاناته المقبلة , او مشكلة مرت به ... ففتحت صفحته الخاصة وبدأت اتابع رد فعل اصدقائه حول الخبر

" كان طيب وابن حلال ... بس اوقات بيرخم كتير " 

" فين الفلوس اللي عليك يا واد ...  هاخودها من الكارد بتاعتك بقي .. وماتزعلش  "

" فاكر  لما ضربتني بهزار وقولتلي ابقي خدها بعدين ... اهو انا نسيت اخودها"

" يا راجل انت مُت .. بس عمايلك السودة لسه عايشة ... ههههه "
الخ ..

الي جانب الحوارات التي دارت بينهم عنه , وعن شخصيته التي في نظر البعض انها سئية , وعن طريقة تعامله مع الاخرين . وكان مستوي الحوار في غاية من الانحطاط وسوء الاخلاق دون الاخذ في الاعتبار ان صديقهم قد مات  - حسبما اعلنا عليهم - لكن

تعليقات سخيفة كلها استهزاء بصديقي ... دون أخلاق 

أو احترام له .. ان كان ميتاً فعلا 

حدثت صديقي في ذلك الامر , وقال لي : " هيا أكذوبة بدأتها بفكاهة وانتهت بغمّ .. كويس اني عملت الخطوة دي عشان اعرف حقيقتهم , شكلي هابقي ميت لهم علي طول , وهاعملهم ريموف من حياتي "

قام بإلغاء كل وسائل الاتصال معهم
ومات بالفعل
مات لكل من لا يستحق ان يعيش من اجله

 ـــــــــــــــــــــــــــــــــــــــــــــــــــــــــــ

مش ضروري تبقي قصة حقيقية , بس هيا فكرة ماتحاولش تعملها عشان ماتبقاش مغموم , عيش حياتك مع اللي حواليك بحذر , واعرف صاحبك الحقيقي ودور عليه ... اكيد هاتلاقيه في وسط اصحابك
بس اوعي تفكر تمارس تجربة زي دي
صدقني
تجربة وحشة اوي



لو عجبتك او ماعجبتكش ... اعمل لايك وكومنت
اهم حاجة اللايك والكومنت

وهاكونا مطاطا

في سطور ليست بالكثيرة .. وجهة نظر !

في سطور ليست بالكثيرة .. وجهة نظر

متابعةً للموقف السياسي المقزز الحالي , وبعد حوارات  ونقاشات عديدة حول الأزمة السياسية الحالية , وسماع الرأي والرأي الاخر , وسماع بعض الشخصيات ذوي الخبرة السياسية القديمة , وقراءة البيانات المطروحة من طرفي الصراع , والتحليل السياسي القائم .... فقد قررت أن أضع النقاط علي الحروف وأقول 

1- السياسة خداع ونفاق 

2- من حق كل حزب أو أيدلوجية سياسية أن تسعي لمصلحتها  العليا وتعليها علي مصلحة الوطن .. لكن عليها أن تواجه الشارع بذلك وأن تسعي لتبرير موقفها قبل فقدان شعبيتها .. وهنا علي الشعب أن يحدد 

3- الاعلام المصري ما يزال فاقداً للمصداقية , حتي في الامور التي اتفق  معها فيهم , الا انني أجد عدم المصداقية في الحديث وانقلاباً كلياً علي طرف بعينه 

4- الاخوان رشحوا الشاطر بعد أن قرروا عدم ترشيح أياً منهم للرئاسة , وقد برروا ذلك بالمتغيرات علي الساحة السياسية التي أجبرتهم علي ذلك .. مع العلم أنه من الطبيعي جدا ان يحدث تغير وأنهم علي علم أن التغيير وارد في الفترات الانتقالية  , هذا سبب غير منطقي وانا لا اقتنع به بالمرة 

5- لن أدعم الشاطر ! .. ولن أدعم أحداً من الاخوان بعد ذلك 

6- كما قلت ... الاخوان ايدلوجية تبغي المصلحة مثلها مثل أي تيار آخر ... لكني لا أؤيدها و أري أن مصدايقتها فقدت علي الرغم من التبريرات المطروحة ... نفسياً أصبحوا غير مقبولين

7- اقول للاخوان .. انزلوا الميادين الان بمفردكم فقد أرهقنا من كثرة النزول , وأنتم تحتاجون للحركة بعد الجلسة الطويلة في البيوت " مأنتخين"  .. لكن إن وجدت الدماء ستسيل فسأنزل لادافع عنكم , ولن أسخر منكم أو اتهمكم بالعمالة والخيانة وخراب الوطن .

8- تطالبون بإقالة حكومة الجنزوري ! .. لقد طالبنا بذلك من فترة وأيضا بمفردنا قد نزلنا 

ملحوظة أخيرةقبل النهاية : أرفض أن يكون رئيس تلك البلد الوقور منتميا لتيار أو فصيل سياسي بعينه , ليكون انتمائه للوطن أولاً وأخيراً

ـــــــــــــــــــــــــ

في النهاية ... تلك هي السياسة ,

- مصلحة

- ربكة دماغ 

- لعب تحت الطرابيزة
- صداااااع

لو انت متفق معايا في الكلام اللي فوق اعمل لايك وكومنت وشير :)
لو مش متفق معايا .. وارد جدا
اختلاف الرأي لا يفسد للود قضية
بس برضه اعمل لايك وكومنت باعتراضك

ــــــــــــ
وهاكونا مطاطا
ــــــــــــ

On English All The Time

Don't give the grammer any importance ... Please :D 

We have already known that English language is important now in all fields and branches of life . For example , On Facebook .. the first language is English not Arabic even we changed Arabic and made it Franco ! ..

That blog post I decided to write it in English just for some trivial reasons like :

1- Test how I am Donkey in English ! :D

 ( I'm kidding )( open your mouth and laugh)

2- Measure my ability to write an english literature to face Sheakspear and stop his arrogance . But what I write now isn't a literature , it's only some expressions which I found my self wrote it here without my mind's permission .

3- put my special hallmarks on the writing which need a distinctive style . 

So I wanna tell you that I have full of history in English started when I was 7 . My english teacher handed me a certificate coz I was active with him . But over time and year by year with big problems , I was shocked that I was weak in English . Tears shed and my society told me I'm despicable and .... ! (Lifted the pen)

  

Basics and advanced levels in english are strongly connected . Just some words and expressions you learnt from your school , English movies you saw , some blog posts you write like this and small conversations you tried to make with any foreigner or at school with your teacher or with your deviant friends . 

Some topics which easy to write in :  

ــــــــــــــــــــــــــــــــــــــ

  

- Love and your emotions . 

- the current events and mixing with politics .

- your daily life and your notes . 

- any paragraphs even about your school lessons . 

- try to write wisdoms and proverbs .

I'm not excellent at all ... But !

But learning some thing is too hard and made you in a challenge with your self to keep learning whatever you encounter problems . Just dream that you'll reach that position in your society ... Just Dream :D 

press on " like button " ... please :D :D

اضغط علي زرار اللايك لو سمحت .. سواء فهمت اللي انا كاتبه او مافهمتش  .. مراعاة لحالتي العاطفية المشوهة المعالم

ــــــــــــــــــــــــــــــــ

 

استرجل واشرب بريل ! .. كيف تكون رجلا ؟

يختلف المعني اللغوي لكلمة " رجل " من شخص لآخر ... حسب تربيتك ,والبيئة اللي انت عايش فيها , أو المجتمع اللي انت بتختلط بيه , والناس اللي انت بتمشي معاهم ... هاتكون معني للرجولة ... سواء كان صح أو غلط , يعني مثلا الواد الصايع - لامؤاخذة - بيكوّن معني للرجولة وهو انه يعاكس بنات , وانه يمشي يأذي في خلق الله .. الخ  , والواد ابن الناس المحترمة هاتلاقيه بيكون معني تاني للرجولة مناقض تماما للمعني اللي كونّنه الواد الصايع ... لذلك من مدونتنا دي , وفي سطور بسيطةوبدون مانطول عليكم نحب نلخصلكم المعني الكامل للرجولة .. وبرضه من وجهه نظري المتواضعة 

ركز معايا كويس في الكلام ده ...

كيف تكون رجلا ؟ ... استرجل واشرب بريل 

- مافيش راجل بيلبس سلسلة .. امال سيبتوا ايه للبنات ؟

- الراجل مش بيعلي صوته علي صوت أبوه وأمه " ان انكر الاصوات لصوت الحمير " ..  يا حمار 

- مش بيرخم علي مدرسينه في الفصل ويبجح فيهم

- بيمشي في الشارع وهو راجل وملوي هدومه وراسه مرفوعة لفوق 

- مش بيعاكس بنات الناس 

- بنطلونه علي وسطه .. مش تحت وسطه ! ... مش بيسقط البنطلون يعني 

- الراجل هاتلاقيه دايما ليه هدف في الحياة .. وان ماكنش ليه هدف .. هاتلاقيه دايما بيحاول يبقي ليه هدف عشان يعيش ويوصله في النهاية 

- مسئول عن اللي بيعمله , وعارف ان الحاجة لو بيعملها في السر تبقي غلط .. ولو قصاد الناس يبقي مافيهاش حاجة , لو حاجة غلط بيعملها قصاد الناس هايتعلم منها ويبعد عنها 

- بيحاول  يبقي عنده شخصيه , ليه مكانه في وسط الناس , وليه قيمته 

- ممكن يتبع الموضة .. لكن في الصح والسليم .. مش أي عك وخلاص 

- مش بيشتم ! .. عشان مايعرضش نفسه للاهانة , لأنه بيحاول يحافظ علي كرامته

- مش بيحط نفسه في موقف انه يعمل خناقة مع واحد ... لأن الرجولة مش اني اضربك أو ابقي اجمد منك ..لأ .. الرجولة اني بالعقل ماحطش نفسي في الموقف اللي يخليني اتأذي فيه 

- بيحاول يخلي كل يوم في حياته أحسن من اليوم اللي قبله .. واليوم اللي بعده أحسن من اليوم اللي هو عايشه انهارده ... بيطور من نفسه

- مش بيدخن , وممكن تلاقيه بيدخن .. بس هاتلاقيه عايز يموت ويبطل السجاير اللي بيشربها

- مش بيبقي " قمعة " لرأي حد .. رأيه هو اللي مكونه من خلال الافكار اللي بيسمعها 

- لو شاف حاجة وحشه , أو موقف غلط ... تلاقيه بيحاول يصلحه 

- مش هاتلاقيه ماشي ورا بنت بيعاكسها أو بيهتك عرضها ... لأنه عارف ان الكلاب هما اللي بيعملوا كده لما  بيلهثوا وبيطلعوا لسانهم  .. وهايموتوا ويعضوك وينهشوا لحمك 

- الراجل مش هايف , مش تافه .. أو دماغه فاضيه ... اما تلاقيه في مذاكرته أو في المشاريع اللي بيعملها .. أو في الفكرة اللي بيحاول ينميها جوه عقله 

- بيتعلم من كل شخصيه يقابلها .. ويحاول ياخد منها ميزة 

- نفسه يبقي جامع لكل الصفات الحلوة .. وكل الهوايات 

- مش بيحب يشوف حد  أحسن منه في حاجة وبيتضايق من نفسه أوي 

- مش مشكلة لما تحب ... أي حد بقي صاحبك أو اخواتك أو مامتك أو بباك .. أو اي حد بقي

ــــــــــــــــــــــــــــــــــــــــــــــ

أظن كده كفاية .. لو انت شايف ان في حاجة غلط في اللي قلتها يا ريت تقولولي  

ودي برضه من وجهه نظري الشخصية .. أو اللي انا شايفه 

مش شرط تكون جامع لكل الصفات دي .. انما بتحاول تجمعها 

ويارب ان شاء الله تكون عاجباك التدوينة دي 

وبرضه هاعيد وارخم عليكم

اقولكم ..والنبي اعمل لايك للتدوينة 

واعملي فولو علي تويتر 

https://twitter.com/#!/YasserMar3ey

وضيفني علي الفيس 

https://www.facebook.com/YasserMar3ey 

وشوف القناة بتاعتي علي اليوتيوب

http://www.youtube.com/user/strangeryasser

وهاكونا مطاطا ... شكرا ليكم :))

زرار اللايك ! .. لايك يا ولاد الحلال

تنوية : تلك التدوينة استثنائية , وقد لا يكون بها أي تفلسفسات أدبية كالمعتاد , انما هي نوع من عرض وجهه نظر في موضوع شائك ما ...  ! ! ! !  ( انا باقول ايه ) ؟
دعك من ما قلته وركز في التدوينة .. وربنا يستر

لايك يا ولاد الحلال ! .. اضغط علي الزرار واعمل فيا معروف 

الفيسبوك بيطلّع كل يوم اختراع جديد .. وافتكاسة جديدة تبوظ شكله وتخليه ازبل من الاول , كمثال : المزرعة الكئيبة ! .. ونظام التايم لاين اللي اثبت فشله بالنسبالي , لكن زرار ( اللايك ) هايفضل زرار عظيم , ومن أكتر اختراعات الفيسبوك نجاحاً

عارفين يعني ايه لايك ! .. لو تفضلت مشكورا وفتحت القاموس اللي انت أخدته مع كتب الوزارة بتاعت أولي ثانوي .. هاتلاقيه بيقولك  ( يحب , علي سبيل المثال ) ... وده المعني المعروف - الأكاديمي -  .. لكن علي الفيسبوك ممكن نديله أكتر من تعريف .. ( حب , احترام , انا باتابعك , انا مهتم بيك , انا باقرأ بوستاتك ) وحجات كتير تختلف من شخص لآخر

 ماتيجي نعمل مقارنة بين شخصين 

ـــــــــــــــــــــــــــــــــــــــ

رقم ( 1 ) .. الواد اللي مقطع السمكة وديلها 

   ــــــــــ

- يحطلك بوست هايف .. بوست ليه فايدة , تلاقي خمسين لايك !

- أي صورة عنده .. قبيحة كانت أم مش قبيحة ... مية لايك !

- غالبا بيبقي مدمن للفيسبوك .. ومش بيقوم من عليه 

- ماتقدرش تصنفه تحت لائحة الدحيحة

 رقم ( 2 )  .. الغلبان .. قلب أمه

ــــــــــــ

- وده بقي دايما هاتلاقيه بيعاني من أزمات متخشنفة مع نزيف حاد من الكآبه 

- مش هاتلاقيه بيعد علي الفيس أصلا الا كل فين وفين 

- لايك بالكتير .. وبيجيله كل شهر مرتين 

- بيفشخ نفسه عشان يكتب حاجة حلوة ياخد عليها لايكات .. وبرضه 

ممكن يكون الاختلاف نفسه من الشخصية نفسها اللي عاملة الاكونت , يعني حسب علاقاتك الشخصية مع الناس اللي انت ضايفهم ..  لو انت من النوع اللي مش بيضيف ناس كتير  , او مش بيحب يتعرف علي ناس جديدة .. أكيد مش هاتلاقي لايكات , لأنك مش بتضيف حد أصلا عشان يعملك لايك ... انما واحد تاني شغال الله ينور عمال يضيف في اللي يسوي واللي مايسواش - علي فكرة دي حاجة حلوة - وبيتعامل مع ده وده , وليه علاقات علي مستوي كبير .. وليه انشطة , اكيد هايلاقي ناس تعمله لايك ... 

الصراحة الواحد اللي ماحدش بيعمله لايك ده انا مش عارف عايش في الدنيا ازاي ! .. او عامل اكونت ليه !  الفيسبوك بدون لايكات ما يساويش حاجة ... لأن الفيسبوك ليس الا تواصل اجتماعي , ولما ماحدش يعبرني في الجزمة بلايك يبقي مافيش تواصل , يبقي مالوش لزمة بقي الفيس ... انما الحمدلله ربنا رازقني بأكتر من واحد باموت فيهم جدا , وبيعملولي لايكات علي طول .. ربنا يخليهوملي يا رب ويفضلوا يعملوا لايكات كده علي طول

بس في نقطة مهمة أوي ... نقطة بايخة يعني ... انا دلوقتي عملت " مينشن " لواحد عشان يشوف التدوينة اللي انا كتبتها وفعلا شافها ! بس ماعبرنيش بلايك ولا كومنت حتي , وانا ساعتها اعرف انه ماشافهاش , فانا بقي اسأله واقوله : انت شوفت التدوينة ... يقولي آه دي جااااامدة فححت
طب طالما هيا جامدة ماعملتش لايك ليه يا تقيل ! ..  اكتر حاجة بتضايقني في الواحد انه يكون بيتغطرس عليا , او مايحبش يعبر الناس , بتفرق معايا كتير أوي لما أكون انا عامل اهمية لواحد وفضلته هو وغيره عن الالفين اللي عندي .. ومايعبرنيش ! ومايحسسنيش بالاهمية عنده

الملخص المفيد عشان انا رغيت علي الفاضي ....

اهمية زرار اللايك

 1- زرار اللايك بيحسس الانسان انه حاجة حلوة , حاجة الناس مهتمية بيها ,
 2- هايبقي فيه تواصل اجتماعي بجد بينه وبين اللي عامله لايك ...
3- وياما شوفنا واحد حب واحدة من لايك :)) ..
4- وياما واحد اتعرف علي صاحب ليه من لايك
5- ممكن تبدأ مشروع مع واحد ... المشروع ده يكون بلايك
6- الدنيا تبقي لونها بمبي .. بلايك

ملحوظة هامة : .. بص بقي
ــــــــــــــــــــــــــــ

  لو انت بقي شايف انك هاتبقي متكبر لو ماعملتش لايك لحد , فافتكر يابن آدم انه هايجي فيوم وماحدش هايعملك لايك .. وابقي ساعتها طبل علي الطرابيزة وقول يا ريت اللي جري ماكان ! ... يا بن الحلال  " كما تدين تدان " اللايك اللي انت مستخصر تحطه لصاحبك , هايردهولك في يوم ... وهاتلاقيه عاملك انت كمان لايك .. لايك يا ولاد الحلال !


اعمل ليا فولو علي التويتر لو عجبتك

https://twitter.com/#!/YasserMar3ey

وضيفني علي الفيس اكرمك الله

https://www.facebook.com/YasserMar3ey


وماتنساش تعمل لايك بقي 
ــــــــــــــــــــــــــــــــــ


وهاكونا مطاطا ,,,

حكاية صغنونة " صراع مع الزمن "

 اقرأها يا باشا كده واستوكل علي الله .. وانا علي ثقة ويقين انها هاتعجبك وده مش غرور علي فكرة , لأ بالعكس .. ابسلوتلي .. انا باحاول استعطفك بس

يعاني صديقنا في تلك الايام من عطل في سيارته يمنعه من ركوبها لفترة طويلة , لذلك لم يجد غير الميكروباص ليوصله للمكان المرغوب , بعد ان ملّ من غطرسة سائقي التكاسي عليه , وطمعهم في " بنديرة " اضافيه  ... استقلَ صديقنا ميكروباصاً متجهاً إلي المحطة, وظل منتظرا لفتره طويلة قضاها في التأمل في الشوارع , والطرق الوعرة التي لا تصلح لسير " توك توك "  , ناهيك عن الازدحام المروري الغير معهود في ذلك اليوم , لم ينطق ببنت شفه واطلق تنهيده من صدره تعبيرا عن تهكمه لتلك الحاله المزرية التي يعاني منها امثاله ...

توجه بنظره الي الشاب الذي يُقل الناس للسيارة ويأخذ منهم الأجرة , وتمعن في وجهه الملئ بالبقع السوداء , وملابسه المتسخة , مثله كمثلِ أي انسانٍ غدر به الزمان والقاه في بئرِ الفقر الذي لا نجاةَ منه الا بطرق نفتقدها نحن في زمننا الموقر . مرَ وقتٌ طويلٌ وهو يتابعه بطرفِ عينه ولفتَ انتابهَه تلك السيارةُ الفارهة المارة بجانب الميكروباص , لكن صديقنا تعجب من نظره الشاب للرجل صاحب السيارة , اذ توقفت السيارتان عند اشارة المرور , وبدأ الاثنان في تبادل النظرات ... وتوقع حينها ان صراعا سيشب بينهم الآن لأسباب يجهلها , وكما حدثه ضميره حدث ماتوقعه , ودار حوار بين الاثنين , لكنه حوار من نوع خاص تعجب له  .. حوارٌ ينجُم عن جرحٍ داخلي بين الاثنين .. حوارٌ يودُ كلاً منهم ان يبدأه ليخرج كل ما بداخله من أمراض غرسها الزمن فيه بدأه فتي الميكروباص :

 اتعلم يا صديقي كم نحن نعاني ! .. ادْرك لبرهة من الزمن كيف نحيا في دنيانا , ادْرك ان الفقر الذي تركتمونا فيه يفتكُ بأجسادنا يوماً وراء الاخر , وانتم تنعمون في شهواتِكم , وتمرحون بأموالكم

- إنك حشرةٌ من حشراتِ المجتمع , ولا يخرج من فمك الا الحقد والكراهية . انت وامثالكم من يلوثون مجتماعتنا بطريقتكم المعيشية القذرة

- ومن أين أتت تلك المعيشة القذرة , أليس أنتم من تركتمونا  , تركتمونا نلحس في تراب الارض .. ونشرب من المياة الضحلة ! .. لو أعنتونا في ازمتنا ما كنا هكذا .. لو اخرجت من جيبك نكلة لأنقذتني , لكنك تبخل ان تخرج .. انت وامثالك مرضي .. مصابون بأمراض  تجعل النفس غير قادرة علي العطاء , لا تنظر الا لطبقة مجتمعها

- انتم كسالي ولا تعملون ! ... فكيف تنعمون ؟

- نعمل .. لكن لا نحصل علي شئ يدير حياتنا , إنكم تعيشون حياة غير التي نحياها , انتم أثرياء الزمن لا تبالون بأموالكم التي تنفقونها ليل نهار علي لا شئ يذكر , مع العلم أن اموالكم اللعينة تلك هي التي تنقذ حياتنا من الموت ...

لم يرد قائد السيارة .. بل أحني رأسه لأسفل تعبيرا عن أسفه , واقتناعه بكلامه ... وكاد أن يهمس بفمه بكلمه ليرطب حديثه .. لكن اكتفي بالنظر الي وجهه .. ثم نظر في طريقه بعد ان انفتحت اشارة المرور وعزم علي السير ... لكنه ركن السيارة علي جانب الطريق .. وصعد للميكروباص واعطاه ورقة كتبها هو داخل سيارته ورحل ثانيةً  ...

 أراد صديقنا ان يعلم ما بداخل الورقة , لكنه لم يستطع , ونظر للشاب وهو يبكي من ما قرأه ... ارتجف بشده ! .. وقاده فضوله ليعرف ماهية الورقة , وكيف اثارت الشاب .. ترك الشاب الورقه تسقط منه في الطريق , فانتبه صديقنا لذلك وصرخ في سائق الميكروباص ... " علي جنب يا اسطي " .. نزل من هنا وظل يبحث عن الورقة .. وبالفعل وجدها .. حملها ونظفها بعد ان لوثها التراب ... وقرأ ما عليها وسار مبتسما ... اذ كانت عليها رسالة ليست للشاب فقط .. انما لكل انسان قد ادرك ان قطار الزمان فاته .. وهو لم يفته , كانت الرسالة من قائد السيارة الفارهة تقول :

 " ستصل يوما ما لمكانتي تلك .. فقد كنت في يوم  من الايام  مثلك , لكن عزمت علي ان اصل يوما ما .. ووصلت , وستصل انت ايضا .. لكنه صراع مع الزمن ستنتصر انت فيه في النهاية "  .. صراع مع الزمن


تمت ,,

 والنبي لو عجبتك اعملي فولو علي تويتر

وهاكونا مطاطا برضه