تاتاتاتاتااااااااااا
هنا وهناك .. هاتلاقيني وراك في كل حته ! ... علي وورد بريس والبلوجر و .. ! بس كده , هما مدونتين بس اللي عملتهم , الاولي علي الوورد بريس واللي كتبت عليها ممم يعني تقدر تقول كتير بس مش كتير أوي , انما طبعا أول لما عملت الاولي علي الوورد بريس ناس كتير قالتلي ماكنش ليه الازمة وكنت ادخل علي بلوجر علي طول عشان بيبقي فيه امكانيات احسن .. الصراحة ماكنش في دماغي خالص , وبرضه مش دماغي دلوقتي .. الموضوع كله اني لاقيت نفسي فاضي ... فقلت اجرب كده يعني , يمكن افلح في حاجة في دنيتي :/ .. طبعا رأيك في المدونة يرجعلك انت ايها القارئ , لكن انا احذرك ان تفوهت بكلمة أو بأخري ... اعرف اننا بنحس برضه , ولو رأيك تبت وغلس , فده هايأثر علي نفسيه العبد لله اللي تعب في عمل البتاعه المتلقحة قصادك دي ...
بالنسبة بقي لهاكونا مطاطا .. فعشان ماكدبش علي حد , انا لاقيت الكارتون شغال علي التلفزيون قلت اختاره .. واكتشفت بعدها ان الاغنية بتحمل كلمات حلوة كتير .. وعجبتني الصراحة , لاقيتها بتوصل فكرة برضه ! ... أغاني الاطفال بتتكلم علي الحلم والماضي للي المفروض يترمي والكلام الرائع ده , حاجة تشرح القلب يا جدع وربنا ! .. المهم يعني اني اخترتها ومن ساتعها والاغنية معلقة في دماغي أوي وقررت بعها اني اتابع حلقات تيمون وبومبا علي اليوتيوب ...
طبعا الشكل العام هايختلف عن المدونة اللي فاتت
واسلوب لاكتابة هايبقي الي حد ما منوع .. يعني مثلا انا بافضل الادبي او الفصحي عن العامي , بس هاتلاقيني كاتبلك عامي زي مانت شايف دلوقتي ,,, هاتلاقي عندنا كل اللي انت عايزه ! .. المهم انت تبقي لطيف معانا وما ترخمش :) ..
وشكر خاص بقي للناس اللي طول عمرها بتزقني لقدام , وبتديني دفعة لأني اكمل واحب اقولكم ... انتم اللي طلعت بيهم من الدنيا ,,,
اخر حاجة .. اعمل شير للمدونة ولك الاجر والثواب , ولو ماعملتش شير هاتحصلك حاجة وحشة كمان اربع تيام .. وصدقني حصلت فعلا وواحد وقع من الشباك مات , انشرها وهايجيلك في المنام حاجة حلوة اوي اوي .. وهاتدعيلي بعدها :)
وهاكونا مطاطا
